тековни настани

Од Викиречник
(Пренасочено од Тековни настани)
Прејди на прегледникот Прејди на пребарувањето

„Еколог“ ќе соопшти детали за киднапирањето во Басра Макфакс


19.02.2006 Канцеларијата на мултинационалната компанија „Еколог“ во Тетово, за денеска најави дека ќе соопшти детали околу грабнувањето на двајцата македонски државјани во Басра.

Според медиумите, од „Еколог“ вчера не сакале да даваат коментари околу овој случај, додавајќи дека денеска ќе има официјални информации.

Компанијата „Еколог“ има неколку канцеларии во светот, меѓу другото и во Тетово. Таа вршела посредување за испраќање на работници во Ирак.

Според скопската телевизија „Канал 5“, вработени во компанијата „Еколог“ досега четирипати биле киднапирани во Ирак, при што за сите бил платен откуп и тие биле ослободени.

Неофицијално е соопштено дека се знае каде се наоѓаат киднапираните, но од безбедносни причини не се соопштува локацијата.

Вчерашните информации беа дека станува збор за Фарук Адеми и Расим Рамадани од Тетово, вработени во мултинационалната фирма „Еколог“.

Министерството за надворешни работи синоќа официјално потврди дека се киднапирани двајца македонски државјани во близина на Басра.

Претходно анонимен извор од Управата на „Еколог“ во странство, соопшти дека е побаран откуп од 840.000 евра за да ги ослободат грабнатите македонски државјани, додека „Си-ен-ен“ јави дека се побарани 1 милион евра за ослободување на грабнатите.

Според претходните информации, жртвите на грабнувањето се Албанци од Македонија чија работа била чистење на меѓународниот аеродром во Басра. Седиштето на фирмата е во Кувајт.

Двајца македонски Албанци биле грабнати во Ирак во четвртокот, додека се возеле со автомобил во кој се наоѓала и една Македонка, вработена во истата фирма, изјави мајорот Питер Крипс.

Тој, во изјава за западните агенции, рече дека грабнувачите ја оставиле жената покрај патот, каде што ја нашла британска воена патрола.